Transcription
1
Reçue à Grenoble, le 20 mars 1573.
2
Monsegnieur, à mon retour de Crest et du Montelymar où jestois allé pour les
3
faict de ma charge, je receus hyer à Loriol les lettres quil vous a plu mescrire
4
du XIIIIe de ce moys, suyvant lesquelles jay pourveu à lentretenment de la compagnie
5
du segneur Jules Centurion et en vivres pour n’avoir pu attendre quatre jours lestat que
6
monsieur de Rousset leur avoit ordonné en argent pour le pein, vin et chair au
7
taux des archers de votre compagnie et de troys livres pour jour au lieutenant;
8
de quoy, aiant treuvé credict et faveur envers les gentilzhommes de votredicte
9
compagnie, je faictz tout debvoir dacomplir ma promesse et ne leur mentir
10
une seule heure. Allant au Montelymar le jour des rameaus, je fuz à rencontrer
11à monsegnieur de La Roche [barré : seb ] sebatant à cheval au chemin de Sainct Gervais,
12
lequel masseura la convalescence de madamoizelle d'Ourches, laquelle, ce jour
13
là, encor que ce feust son jour suspect, navoit heu aucung ressentiment et estoit
14
aller à vespres avec madame d'Ourches et monsieur de Bonevaut. Ilz
15
sattendent tous à votre venue en bonne devotion. Monsieur de Rousset
16
comanda hyer, en ma presence, la compagnie du capitaine Colom estant au
17
Montelymar, venir à Loriol ce jourdhuy pour la seurté et soulagement de
18
votredicte compagnie et chevaus legers, lesquelz pour avoir seray fort volonterement
19
à toutes occasions que mondit segneur du Rousset les a voulu emploier lespace de
20
dix sept ou XVIII jours desireroient fort estre ung peu soulagés et
21
eux rafrechir. Je ferey fournir vivres à la compagnie dudit cappitaine Colom,
22
suyvant le taux de messieurs du païs, comme il vous a plu me commander.
23
Il ma prié vous fère entendre comme il a son nombre de soldatz
24
et attend des armes d'Avignon où il a envoyé pour les vous
25
representer en bon equipage, ne desirant rien plus que le jour de la monstre
26
par le moyen de la quelle il puysse avoir ses soldatz obligés et hobeissans.
27
Ceux du Poussin monstrent encor ung petit bateau neuf et ung aultre med
28
moyen, que faict croire quilz soient aidés secretement daucungs leurs voisins, quon
29
doubte et ne peult on y remedier, ce que faict de tant plus velier [ie : veiller]
30
monsieur de Rousset, de façon que leurs menées ne seront jamais si secretes
31
[24 v°] ou avantageuses quilz ne ressentent du mal silz entreprennent sur votre
32
gouvernement. Monsegnieur, je vous remercye humblement la souvenance quil
33
vous plaict avoir de moy et vous supplie me commander voz bons plaisirs
34
comme à celuy qui porte autant de volonté et affecion à votre très humble
35
service, priant Dieu
36
Monsegnieur, vous donner en sancté longue vie et acomplissement de
37
voz desirs. De Valance, ce XVIIIe mars 1573
38
Votre très humble et très hobeissant
39
serviteur à jamais
40
de Buffevant
41
Monsegnieur, jay sceu que tousjours monsieur de Lestang estant emploié à
42
estre secouru de quelque somme pour lentretenement de sa table, il vous
43
plairra menvoier ce quil vous plaict que je delivre à monsieur du
44
Rousset et monsieur de Veaune pour cest effect, car aultrement ce
45
leur seroit une fort excessive despence.